🤗 十個準大學生必學嘅生存技能！快人一步、理想達到 🥳🥳

1)時間管理之術

大學課程彈性高，可以選讀嘅courses有好多，所以大家reg科個陣不妨可以俾啲心思編靚啲自己個schedule🤪 大家可以早幾日揀定自己要讀嘅科同時間，盡量排啲day off出嚟，避免天地堂(尤其係無住hall嘅同學)💁🏻‍♂️另外大學都比較多assignments，要留意唔同功課嘅deadline，唔好日日都做deadline fighter🥺 大家可以透過整To-do list、分清事情輕重緩急等方法去做好Time Management，同時可以參考《十個準大學生必用嘅Apps！》呢篇文入面建議嘅Apps去幫助自己管理時間！

2)中英文打字技巧

無論係打notes定做assignments，打字嘅速度就決定咗你完成功課嘅速度😳 加上做part-time或者未來搵工嘅時候，某啲職位都要求你有一定嘅打字速度，趁大學期間練下中英文打字，練好呢啲基本野，可以增強自己嘅競爭力🔥 大家得閒可以去YouTube等地方睇吓有冇一啲特別技巧去幫助自己打字打得更快😎PS:小編努力學習緊速成😢

3)Research揾資料大法

要搵一啲有權威性嘅學術資料？除咗去大學圖書館揾書之外，用online tools搵有用嘅resources係你必學嘅一個技巧😆識用Google scholar係遠遠未夠！當你搵到一份paper，你可以特別留意呢份paper係喺邊一份journal上面發表嘅，然後喺https://www.scimagojr.com/journalrank.php?area=1200 呢個網站上面睇一睇佢嘅評分，去判斷佢夠唔夠權威性🌟 另外，有一啲paper係要俾錢先可以睇，呢個時候記得問一問師兄師姐有冇啲解決嘅方法啦！

4)整CV/PowerPoint技巧

喺大學或多或少我哋都要接觸一啲design嘅嘢，而整靚自己嘅CV同PowerPoint係大家都一定要做嘅事！🤪 無論你有無藝術嘅觸覺，只要識得利用預設嘅template design，你都可以成為設計大師😳 大家可以參考十個準大學生必用嘅Apps！入邊提到嘅tools去揾呢啲template😝 係整CV嘅過程期間，大家記得要保持精簡，列出最重要嘅個人特質及最相關嘅經驗，避免太冗長，令人哋睇都唔想睇😬 另外，大家可以問一問自己個科嘅師兄師姐，睇方便唔可以參考佢哋嘅CV💁🏻‍♂️

5)財務管理之術

讀大學期間我哋或者會做少少part-time，係收入同埋支出都多咗嘅情況之下，識得管理自己嘅財務係一件好重要嘅事🙈 除咗使用一啲記帳apps之外，低風險嘅投資都可以有助你增值自己嘅財富😬大家可以去《十個準大學生必用嘅Apps！》 同《考完DSE10樣可以做嘅野》呢兩篇文去了解更多有關財務管理嘅方法同資訊😘

6)說話演講技巧

大學會有好多要你做presentation嘅時候，練好說話演講技巧唔單止可以幫你應付大大小小嘅presentation，唔會怯場，更有助未來職業發展😝 你可以透過睇一啲節目例如TED Talk(https://www.ted.com/talks?language=zh-tw)或者博恩夜夜秀(https://www.youtube.com/channel/UCDrswN-SqWh7Kii62h9aXGA)等學習演講技巧，亦都可以參考下身邊講嘢好叻嘅朋友嘅心得😉 而小編覺得保持自信係一個好重要好重要嘅要訣，講錯小小嘢，當無事，keep going，一個好嘅心態已經贏咗一半😚

7)人際關係處理技巧

聽講大學消息流通得好快，一個唔小心就secret見🤭 係大學入邊，要接觸嘅人好多，要處理嘅關係仲多，處理人際關係好難同好煩，但係你一定要面對🥲雖然人人處事方式唔同，但處世圓滑實無錯！時刻保持謙虛、唔好周圍得罪人、凡事都留一線等等都係我哋需要學習嘅課程😛 網絡上有好多人際關係處理嘅方法，只要將佢哋融會貫通，結合個人處境同經驗，慢慢磨練，就總會搵到一套適合你自己嘅技巧😜 

8)帶game能力

Freshman當然可以淨係負責玩，但係當你要做組爸媽，帶Ocamp個陣，帶game嘅能力就必不可少啦😆 一萬個唔建議大家去search black magic同psychologist嘅玩法😇但係都可以知道一啲一班人玩嘅細game嘅玩法，例如First Impression、我係熊啤啤、兩真一假，呯嘭嘩等等🥰

9)筆記整理大法

大學除咗會有好多lecture notes之外，PowerPoint、師兄師姐嘅notes等都係俾你學習嘅資料！📃 呢個時候，學識融會貫通，集百家之城整理筆記就十分十分重要❗️大家可以係《十個準大學生必用嘅Apps！》呢篇文入面睇到小編推介嘅整notes嘅Apps，同時記得要善用我哋Classmeta呢個平台幫助自己學習🌟🌟 我哋Classmeta係一個聚集各地菁英大學生嘅平台，隨時隨地都可以搵到每個領域最叻嘅大學生師兄姐，令專業嘅知識同寶貴嘅經歷觸手可及😘

10)着衫穿搭技巧

作為一個唔識穿搭嘅人，小編表示識着衫係一件好重要嘅事，喺唔花費太多錢嘅情況下俾人一種得體嘅感覺係一門好高深嘅學問😢 大家可以參考唔同嘅YouTube片同IG page去學下點穿搭，女仔可以follow ootdiary.hk呢個IG page(https://www.instagram.com/ootddiary.hk/) ，而男仔可以參考下cityboyootd(https://www.instagram.com/cityboyootd/) 呢個IG page🙈

By 小編Kelvin~