！港大生入學最全面懶人包！12個HKU新生入學前必須知道的事情🔥🔥
小編Don幫新生搜羅左所有 HKU 最基本要知道嘅13樣野！（準備得好辛苦架。。幫手Share下啦！）🙏🏻🙏🏻
要生存得好， 就要有一懶人包傍身！😤
1. 點樣交學費同宿費啊?
同學將會收到email 指示去繳交學費同宿費，大多數既同學都會選擇以ATM轉帳方式繳費。同學只需要係櫃員機內按「繳費服務」 「大學學府」 「香港大學」就可以見到各種繳費選擇。
01 (Composition Fee)
03 (Hall Fee)
05 (Student Loan Repayment)
06 (Other Fees)
同學須輸入繳費編號及所需的繳費金額便可。例如同學的學生證編號是3035123456，你的繳費編號就是30351234569999
2. 點樣Reg科啊?
第一步. 登入HKU PORTAL
第二步. Click “MyPage” > “Enrollment Add Classes, 2021-22 Sem1/2” > “Continue”
第三步. 按Search 鍵入Course List
第四步. 係course list 睇下有咩requirement，入面仲會顯示個course會係邊個sem開。
第五步. 揀選你想reg既科,之後就襟 “SELECT”
第六步. 襟 “Next”
PS: 如有需要，可以襟 “wait list of class is full”，咁就算你抽唔中都會自動入waiting list。
第七步. 到時Reg科既時間就襟個 “Proceed to Step 2 of 2”
PS: 唔啱心水可以click 個「垃圾桶」delete。
第八步.
如果成功reg到科既同學仔，你地個course list 上面會顯示enrolled，即係個course你已經係成功reg到或者係pending for approval。而顯示"dropped"就即係你reg唔到依一科，要搵另一科代替啦。如果"Waited Listed顯示就即係你係入左waiting list 入面啦。
IMPORTANT!!
記住睇實個天文台鐘準時入去reg科la
3. Reg科Tips
Tips 1: 記住要開定天文台個鐘仔啊，一夠鐘就要撳掣啦！
Tips 2: 以往有唔少師兄都話去網吧reg科，聽講網速快啲，成功率都高啲~
Tips 3: 淡定啲，你reg唔到人地都reg唔到架！！
4. 邊到有得check deadline 啊?
上到大學就要自己上moodle 睇deadline 交 assignment啦。而moodle既calendar 就可以一次過睇曬邊一科有D咩mid-term、final exam 同 assignments。
粉紅色既格仔即係個日係有deadline需要同學仔去完成既，同學仔只需要將mouse 指去個粉紅色格仔就會見到架啦。
PS：有部分course既assignments 係唔會有deadline reminder 顯示係個calendar 入面。同學仔記得多D check email 同course outline 睇下有無漏到任何重要deadline啦。
5. 點樣Reg Hall啊?
登入HKU Portal，之後碌落去Application for Residential Hall。
之後再係Submit and view my application 入面揀選自己心儀既hall就ok la
6. Halls 介紹
香港大學擁有十五間住宿及非住宿舍堂，同學可以透過HKU portal 報名入舍。舍堂除左提供宿供俾學生，亦會組織各式各樣的活動空間。例如不同類型的sport teams 和cultural teams ，有些舍堂會舉辦時事活動，關心社會，亦有舍堂會自發及組織不同類型娛樂活動。同學在舍堂內可嘗試擔任唔同角色，例如做OC籌辦堂內活動、代表舍堂出戰sports及cultural interhall、擔任Team Cap、PIC、樓主等職務。同學亦都可以上hall莊，為舍堂作更大貢獻。
非住宿舍堂
康寧堂 
康寧堂是香港大學第一和唯一一間男性非住宿舍堂，創堂於1953年。取名已故大學港大校長William Horner，並由已故國學大師饒宗頤定康寧堂一字。康寧堂有濃厚讀書氣氛，更獲得最高GPA社堂冠軍獎項。康寧堂會定期舉辦不同類型的活動例如海外交流團擴闊堂友眼界。康寧堂與其舊生會關係密切，過往舊生會定期舉辦不同的活動比堂友參與，如自助餐聚會，足球比賽，mentorship program。堂內亦設有獎學金和實習機會給予堂友，傳承康寧精神。
李志雄
李志雄堂為香港大學唯一非住宿男女宿堂，於1995年成立。堂友可享受不同類型cultural team 和sport team。更可以參加Interhall 比賽。
住宿舍堂
何東夫人紀念堂
何東夫人紀念堂是香港大學唯一現存女子住宿舍堂。何東於1951年落成，2000年8月重建完成。位於賽馬會第一舍堂村的它擁有現代化的住宿環境和海景。何東的地理位置非常方便，鄰近港鐵站，main campus和西寶城 。
舍堂樓高19層，當中住宿樓層佔17層。共404個單人，雙人及傷殘人士專用房。
施德堂
同樣位於賽馬會舍堂一村的施德堂是港大最大的舍堂，設有500個宿位。舍堂位置便利，鄰近香港大學地鐵站。自創建以來，施德堂一直奉行獨有的unit 制。將男，女各一層連結成一個unit。
賽馬會第二舍堂村
孫志新堂
位於賽馬會第二舍堂村的孫志新堂於2005年落成設備齊全。內設14層住宿舍堂，當中包括6層男層和8層女層，共有300個宿位，當中以雙人房為主，而每層樓都有兩間單人房。
馬禮遜堂
另一間位於二村的舍堂便是馬禮遜堂，創位於1913年，於2005年重建。而這間男hall中有14層住宿樓層，居住了150個本科生和研究生堂友。
李兆基堂
而最後一間二村hall就係李兆基堂，堂內設有7層男層及7層女層。共提供300個宿位，當中以雙人房為主，另外每層有兩間單人房
沙宣道Hall
鄰近醫學院既沙宣道絕對係MBBS同Nursing 同學既首選。好多同學都好鐘意去Med Fac入面既1887餐廳用餐，因為有無敵大海景。另外沙宣道都有間餐廳叫Bayview Restaurant，入面既野食價錢都幾相宜家。沙宣道既舍堂於2021年暑假全面翻新，設備都改善左唔少。
偉倫堂
偉倫堂1994於1994年落成，共提供381個舍位。當中有近一半的房間都係單人房，而另一半就係雙人房。堂內更特別設有健身房供堂友使用。
利希慎堂
利希慎堂是港大唯一擁有男女同住樓層的舍堂，其中有八層樓是男女同住樓層，另外男層和女層各有兩層，堂友以「村民」和「村兄弟姐妹」互相稱呼。Hysan共提供374個宿位，堂內亦都設有健身室和閱讀室等設施。Hysan同時是港大唯一有舞獅隊的舍堂。
利銘澤堂
利銘澤堂於1992年落成，該堂重視學生自治，鼓勵堂友自發為自己和堂友帶來改變和進步。以此舉實踐舍堂教育。堂內設6層男層和6層女層，共提供369個宿位給學生。RC堂共有三支不同的「莊」，包括了「exco hall莊」，雅士編委和「RCTV」。
Campus Hall
太古堂
位於校園內的太古堂於1980成立，swire共有5層男層和4層男層，共提供302個宿位。swire擁有舍堂刊物「太古青年」作平台提堂友表達和分享意見。亦有社會責任委員會定期舉辦本地和海外社會活動。致力推廣環保、政治和社會意識。
李國賢堂
李國賢堂位於校園中心，離港鐵站不需一分鐘路程。堂內有一個面積約三個半籃球場的平台供堂友練波玩樂。SKY Lee共提供300個宿位給同學，全部都係雙人房。堂內共有5層男層和3層女層。
傳統Hall
聖約翰書院
聖約翰書院是港大第一間住所宿堂，共有6層男層和4層女層，房間全為單人房。書院內設有Band房，Bar room，自修室，庭園和Dining hall。非本地生和本地生比例大約各佔一半。
利瑪竇宿舍
利瑪竇宿舍於1929年成立，於2015年翻新。房間內均設有露台。共提供131個單人宿位。宿舍內設有Dining Hall和multi-purpose court。宿生多喜歡參加體育競技，文藝時政等活動，藉活動鍛練身體，培養Brotherhood。
大學堂
大學堂於1956年成立，堂內分別有二人房、三人房和四人房等等的組合，共提供110個宿位。大學堂建築物外部更於1995年被列作法定古蹟。
龍華街
俗稱「龍華」於2012年落成及啟用，四幢宿舍合提供1800個宿位給學生。宿舍學生約一半為研究生。而非本地生佔比例超過6成，絕大多數一年級新生都沒有資格申請龍華宿位。而四間書院分別為信興學院，志新學院，立之學院和日新學院。
7. 點樣Reg Tutorial?
Step1: 首先去App Store/Google Store download “Tutorial Sign Up” 依個app
Step2: 之後你會見到之前你係Portal Reg過既科。如果佢顯示住 “Register”既係同學係可以襟入去reg tutorial，但如果個科係顯示 “No tutorial group is created”既係個科唔需要上Tutorial class或者個tutorial class 並唔係用App reg。
Step3:當你click左入去 “Register”個掣到，個app就會顯示個科有邊個tutorial timeslot 同幾多個位，同學只需要 click 入左 “vacancy”個掣入面，就可以reg到科家la 。
PS 記住睇實個天文台鐘準時入去reg科la！
8. 邊到有得print野?
校園主要有5個地方提供影印服務,分別係Knowles Digital Centre, HKUSU Building 影印中心, 智華館, The Oval, 同以及各大圖書館.同學每年都會收到100個printing credit(價值港幣$30)如果同學用完學生證入面既quota 都可以用The Oval或者智華館入面既增值機使用八達通增值。
同學仲可以用「HKU uPrint」app以Apple Pay同Google Pay 兩種Payment 方式增值。每100 credits 為30港幣。
影印地點
9. 溫書靚位好介紹
智華館
智華館一共有三層 22小時 (8am - 6pm）開放,內有超過20多個研討室,入面亦有電視屏幕,設備齊全,同學只需用HKU Portal 預約研討室. 智華館內亦有learning area, reading room, 電腦,影印機等設施,方便同學學習.
百周年校園平台 Centennial Campus Podium Levels 0800-0600 (Mon-Sun)
Main Library
Main Lib：即係本部圖書館大樓(新翼)。每層都有好多枱，三樓仲有接近20間Discussion rooms可以用，不過用前記得要透過portal online book。
香港薄扶林香港大學圖書館 Library Building, Main, Pok Fu Lam Rd, Pok Fu Lam Collaboration Zone & Study Zone (Level 3) 8:30am - 9:30pm
余振強醫學圖書館
依個位於沙宣道既圖書館大多數都係俾Med Fac既同學仔，或者沙宣hallmates 去享用。因為佢既位置比較偏僻，並唔係main campus 入面。不過佢既設施都相當齊全，入面有電腦，printer。而最重要既係佢24小時開放。
PS:小編成日都去個到溫書架~
薄扶林沙宣道21號 21 Sassoon Rd, Pok Fu Lam 24 hours
The Curve K. K. Leung Building
梁銶琚樓既一樓同二樓都有唔少位開放，個到都有printer 同電腦俾同學仔使用。另外仲有卡位同沙發，個空間非常適合同學仔傾project同做assignments 。個位相當舒適家，不過成日都會好full。
近兩年仲翻新左個廁所，可謂係媲美金鐘PP廁所，應該係HKU最靚嘅廁所，溫書嘅體驗又更上一層樓！
The Curve 1/F and 2/F, K.K. Leung Building 0930-1730
10. KongU 有咩好野食?
港大在校園內有唔同類型既餐廳同Vending Machine，而肺炎期間，營業時間會在所改變。請同學仔留意CEDARS最新資訊。
11. 點樣Reg Medical Appointment
港大設有醫療保健處，位於campus既明華綜合大樓。基本上完全免費，但某些藥物或者療程需要額外費用。學生有需要可以透過HKU Portal 預約就診。預約步驟如下：
Step1: 登入HKU Portal
Step2: Search “UHS”
Step3: Click入去 UHS Web Appointment Booking
Step4: 想預約Medical Consultation服務就要click “General Consultation”呢個掣la
Step5:入到去同學仔就會見到自己既Patient number，即係你UID既頭9個數目字。同學仔仲會見到你既中英文姓名全名，之後click 一下個格仔。
Step6: 入到去同學仔就會見到3種唔同既預約模式。第一種就係預約最早既時段，不過就無得揀見邊位醫生或者邊個特定時段。而第二種就係依時段為首決條件，而第三種就係依醫生availability 為首決條件。
Step7:今次我就會用 “SELECTION BY TIMESLOT” 作先決條件約見醫生。襟入去就會白色既格仔就係醫生既available timeslot，而黑色既格仔就即係醫生既consultation timeslot 已經滿左。
Step8: 當你click 入個個格仔入面，個system會彈出一個格仔問你係唔confirm依個booking。只要你click 個 “Book”掣就可以confirm booking 家la~。
如果同學仔想取消booking 既話，只需要返返去主頁click一下 “View/Cancel Medical Appointment”。
之後click 一下appointment 個格仔，再襟左下方既 “cancel appointment”掣就可以cancel 啦。
***溫馨提示***
如果想接受物理治療既服務，同學要先得到醫生既 Referral先可以接受治療，而治療費用為每次$60正。
12. 點申請學生八達通優惠架?
實體申請
步驟一：到Faculty/MTR領取申請表
步驟二：填妥申請表後，連同學生證到Faculty蓋印
步驟三：把已蓋印申請表交回港鐵客戶服務中心
網上申請
步驟一：在MTR Mobile選擇「學生乘車優惠計劃」
步驟二：進入頁面後，因應需要選擇「新申請」或「延續申請」
步驟三： 填妥並提交個人資料後等待電郵通知餘下程序
注意：八達通學生身份均須每年延續。
*不包括機場快綫車站、羅湖、落馬洲、馬場、迪士尼、欣澳、黃竹坑、利東及海怡半島站
13. 咩係上莊啊?
「莊」指港大各學生組織的幹事會，以「上莊」一詞就指成為港大各學生組織幹事會成員之一。
「上莊」對於新入大學的同學來說同學嚟講可能比較陌生。在大學策劃學生活動與中學有很大的分別。因為大學的活動都是由學生一手一腳策劃，同學自主度很高，對活動成敗很大。
「上莊」的道路並不輕鬆。同學需要撰寫政綱、年度計劃（Year Plan）等爭取會員支持，又需要出席不同類型的模擬諮詢大會（Mock Campaign)、諮詢大會（Campaign)、週年大會（Annual General Meeting)等，回答會員的問題和質詢。
「上莊」需付出很多時間和心機，同時亦是一個很好的機會可以讓同學學習待人處事。因為大學是一個平台可以讓同學好好迎接社會挑戰的地方。而「上莊」就能夠讓同學可以學習如何處理人際關係、決策、應對失敗和處理壓力的經驗，這些人際關係處理經驗和技巧是步進社會必須具備的條件。
HKU 所有 Student Associations 列表：https://www.cedars.hku.hk/campuslife/societiesactivities/associations
本手冊部份資料來自新生指南以及HKU Website
