考完DSE無所事事唔知做咩好？唔緊要，今日小編就同大家盤點下考完DSE10樣可以做嘅嘢，等你可以消磨時間之餘，仲可以增值自己！

同錢有關😎

1)揾Part Time賺下錢💰

趁呢個假期做下Part Time揾下錢一直都係考完DSE後必做嘅事，但係一個應屆文憑試考生又無經驗又無技能到底可以做咩？

以下就列舉幾個熱門工作俾大家:)

-私補老師👨🏻‍🏫 小學約$120/小時 中學約$150/小時

-補習社助教📚 時薪約$60-80

-餐廳待應🍔 時薪約$50

-售貨員/理貨員/收銀員🏷 時薪約$50

PS: 以上數字只供參考 大家可以去不同平台尋找工作機會! 

(Apps: Moovup,JobsDB, Pro360)

Freehunter Freelance平台: https://freehunter.hk/

2)學習投資理財

無論你將來做仼何行業，學識投資理財都係十分重要🤪 將會/已經18歲嘅你可以由最基本嘅開設銀行帳戶，申請手機支付等等做起，其後再學習唔同投資產品嘅資訊及優劣，例如股票、虛擬貨幣、債券、基金、定期存款、黃金等嘅運作模式。最緊要記得投資有風險，要衡量自己嘅能力，掌握一定知識，唔同盲目亂咁投資！大家可以由睇YouTube/實體書入手，同時亦可參考一啲投資理財公司網絡上嘅文章等等。以下向大家推薦一個有唔同理財資訊嘅網站！

Money Hero: https://www.moneyhero.com.hk/zh

同時附上一篇文章俾大家參考！

虛擬銀行優惠｜8大香港Virtual Bank比較 shorturl.at/nxNRZ

3)參加唔同比賽 攞獎金獎品

原來坊間有好多比賽獎金獎品唔錯但係無乜人參加你知唔知！😛考完DSE嘅你正正可以搵下唔同比賽參加，例如到政府青少年網絡(https://www.youth.gov.hk/tc/hashtag.htm?hashtag=比賽館)睇下有咩比賽可以參加，得閒留意下IG廣告宣傳等等。

以下為大家推薦幾個比賽項目:)

• 共建安全網絡2022 - 「資訊勿亂放 真偽要認清」文件夾設計比賽

• 建造業零碳天地編程創作比賽—構建未來城市

• 第49屆青年文學獎徵文比賽

• CRE8 by AIA青年創業比賽

同未來發展有關🤪

4)了解更多未來出路方向

係放榜後最後一次更改課程選擇前記得要好好思考人生同深入了解下自己嘅未來出路！😎除咗參加大學嘅入學講座及了解心儀學科嘅課程內容外，坊間亦有不少升學嘅資訊及分享！透過唔同大學生嘅親身經歷，我哋可以更容易揀到適合自己嘅學科🔥 最近有個「英國著名大學 2022 秋季入學講座」，大家可以了解到UCAS申請攻略，同日亦設「IELTS 全攻略講座」，由 IELTS 官方主辦機構為你講解 IELTS 應試事項及各卷備試要訣。想去嘅記得要報名啦！  

入學講座:https://www.idp.com/hongkong/idpevents/2022-ucas-final-call-seminar/18062022/t2nzqlqdflm/

5)準備定個人履歷(CV)作求職升學用

遲啲報intern或者揾工個陣都有機會要交CV俾僱主過目，與其每次都要求其俾啲嘢人哋睇，不如及早整理一份詳細同完整嘅CV! 係CV入面除咗要有基本個人資料同聯絡方法外，你仲可以列舉一下中學時期嘅領導經驗、有代表性獎項等等😛此外不妨係CV上指明自己具備嘅技能同性格，以增加受聘機會！另外你亦可以準備一段萬能自我介紹、獲獎list等等，以備不時之需！

大家可以參考以下資料！

可參考或直接使用Canva設計的CV templates: https://www.canva.com/templates/?query=CV

履歷怎麼寫比較好?七七初級履歷新手包 https://www.youtube.com/watch?v=aXq8FkvQCd8

6)報考IELTS

DSE過咗無幾耐，趁自己狀態仲喺度，去考IELTS係一個聰明嘅選擇！記得IELTS有分兩種：IELTS Academic or IELTS General Training🙈要留意番自己適合邊款，不過通常中學生都係報IELTS academic😎 IELTS最快幾日內都可以有得考，當然要預時間準備下會考啲咩內容！詳情可以上去British Council個website睇下！價錢就大約$2300左右！

British Council website: https://ieltsregistration.britishcouncil.org/orsnbc/

同增值自己有關🔥

7)學習唔同技能

唔知做咩好嘅你不如趁呢個假期增值自己，學下唔同技能，去提升自己競爭力！例如學下拍片剪片、簡單Canva設計、倉頡速成、急救First Aid、手語班、煮飯等等！除咗喺網上面搵資源學習，你亦可以報讀一啲由認可機構舉辦嘅課程😬 提下大家如果報讀急救課程，記得搵朋友一齊去，以免同陌生人練習，避免尷尬🤯

St John急救班: https://ereg.stjohn.org.hk/course/index.html 

8)參加唔同計劃/prog 擴闊社交圈子

慢慢成長，我哋都要學會點樣擴展自己嘅social network🧐呢個時候坊間唔同種類嘅programme就可以幫你識到更多人啦！以下向大家推薦一個計劃！

由旅遊事務署及香港青年協會聯合主辦的「香港青年大使計劃」，致力透過多元培訓和服務體驗，培育一批熱衷服務社會的青年領袖成為代表香港的親善大使。

詳情及報名可查詢 https://yas.hkfyg.org.hk/關於我們/怎樣報名/2021-22香港青年大使計劃/ 

同個人興趣/娛樂有關

9)做自己鍾意做嘅事！

難得有個假期，梗係做返啲係DSE嗰陣做唔到嘅嘢啦！每個人有自己鍾意做嘅事，咁就由小編我分享吓我最近做緊啲咩啦🤪 小編都算半個書蟲嚟，最近就睇緊《原子習慣》同作家唐啟灃嘅小說散文，推薦大家得閒可以睇吓！另外，小編都有煲緊幾套韓劇同動漫，推薦大家去睇吓《酒鬼都市女人們》、《工作細胞》、《SPY×FAMILY間諜家家酒》等等！😬

10)同frd瘋狂去玩

升上大學之後大家要各奔前程，好多友情都會係漸漸中消失，為咗維繫朋友之間嘅感情，梗係要趁呢個時間同friend瘋狂去玩啦！以下就列舉有啲咩群體活動啦🤪

• 單車一日遊

• Book體育館打籃球、羽毛球、乒乓球

• 去溜冰/踩roller 

• 去沙灘游水同玩，順便BBQ🏖️

• 去主題樂園玩（如果無雷暴警告⚠️海洋公園新開嗰個水上樂園都幾好玩！）🌊

• 去Party Room或者Superpark 等室內樂園

• 去行山順便野餐🍔

• Camping or glamping😎

• 大澳/離島一日遊

• 租度假屋或者酒店staycation

• 唱下K，大展歌喉😆 

大家可以參考以下嘅網站嘅推介！

Ulifestyle 18區好去處: https://hk.ulifestyle.com.hk/district

ReUbird 玩樂雜誌: https://reubird.hk/blogs/

PS:記得要遵守返防疫規例啊！

By 小編Kelvin~